第三章：右邊輸管塞了後，見婦科醫生

我照輸卵管唔係醫生寫紙俾我去照，係我自己去化驗所照的

知道結果後就book左婦科醫生胡廣森(我阿姨介紹的)，主要想聽下醫生有咩建議，十一月頭打去book，要等到十二月中先有得睇

～～～～～～～～～～～～～～～～～～～～～～～～～～～

喺呢個時候，我就開始睇我的第四個中醫，譚萬信，佢喺廣華要好早預約，所以我就去黃大仙醫院，早上睇，唔使等好耐

譚醫師話排卵出血係內分泌的問題，一定要調理

問佢要調理幾耐，佢話人人唔同，有啲人幾個cycle，有啲人可能要1年，聽到之後好驚呀！！已經等左1年，仲要等幾耐？！

好彩我同譚醫師都幾夾，第1個cycle排卵時有少少血，第2個cycle已經冇血，呢個困擾左我好多年的問題終於解決了！！就算今個cycle冇食中藥，都冇血。。。

～～～～～～～～～～～～～～～～～～～～～～～～～～～

好喇。。。講番我睇婦科醫生胡廣森



同佢講左我的問題：1) 備孕1年唔成功　2)右邊輸卵管塞了

跟住就去照陰超，佢話子宮冇問題，有少少後屈

醫生建議我通輸卵管，但係我唔想，因為我一心諗住ivf，又驚通左會好易宮外孕 ( 我最擔心的)，跟住就俾左2個月排藥(clomid 50mg)，下個cycle day 2開始連食5日，每日一粒

今次診金連藥，$900

胡醫生都nice，不過好似有啲趕時間，我諗大部份香港婦科都係咁，因為booking真係好full 

。。。。。。。。。。。。。。。。。。。。。。。。。。。

之後會講下我去台北見生殖科醫生，仲有新發現tim。。。